Mandjie

Geen produkte nie

Aflewering Om bepaal te word
Belasting R 0
Subtotaal R 0
Pryse sluit belasting in

Advocate Topical is 'n kombinasiebehandeling vir interne en eksterne parasiete vir katte wat meer as 4 kg weeg.

Nie geskik vir honde nie. 

Advocate Topical Vlooi-, Wurm- en Parasietbehandeling vir Groot Katte wat meer as 4 kg weeg (Boks met 3 Dosisse)

R 347
wasR 365StoorR 18

Beskikbare opsies

Pipette
Vervaardig deur: Advocate
Deur hierdie produk te koop, versamel jy tot 34 lojaliteitspunte . Jou mandjie se totaal is 34 lojaliteitspunte wat omskep kan word in 'n koopbewys van R 7. Sien ons lojaliteitsprogram

Advocate Topical vir Groot Katte is ‘n breëspektrum parasietbeheerder, geskik vir katte wat meer as 4 kg weeg. Geen oormyte, rondewurms, hartwurms en haakwurms meer nie, en die beste van als, geen vlieë nie! 

Advocate Topical vir Groot Katte moenie op katte jonger as 9 weke gebruik word nie. Gebruik op 'n maandelikse basis vir langtermyn parasietbeheer.

Wat is Advocate Topical vir Groot Katte?

Advocate Topical vir Groot Katte is ‘n sogenaamde endektosied, 'n enkele produk wat effektief is teen beide ekto- en endoparasiete soos vlooie, luise, myte en verskillende tipes wurms.

Hoekom moet ek Advocate Topical vir Groot Katte koop?

In die laaste dekades, weens rondreis en klimaatsverandering, het parasiete nuwe gebiede verower en as gevolg van hulle verspreiding het die bedreiging van parasietsiektes of draagbare siektes toegeneem. Dus word 'n breëspektrum voorkomingsmiddel al hoe belangriker, nie net as gevolg van die gesondheidsrisiko’s vir die individuele diere nie, maar ook om die algehele populasie teen die verspreiding van parasietsiektes te beskerm.

Watter bestanddele word in Advocate Topical vir Groot Katte gebruik?

Imidaklopried en Moksidektien

Van watter ouderdom af kan ek Advocate Topical vir Groot Katte op my kat gebruik?

Jou katjie kan so jonk as 9 weke wees, maar moet meer as 1 kg weeg. Maak net seker jy gebruik dan Advocate vir Klein katte as jou katjie nog minder as 4 kg weeg. 

Wat is die beste manier om Advocate Topical vir Groot Katte te stoor?

Advocate Topical vir Groot Katte kom in ‘n boks van 3 buisies. Stoor die buisies in die oorspronklike houer in ‘n koel, droë plek.



  • Voorkom en maak vlooie dood vir tot 4 weke.
  • Maak vlooie dood voor hulle kan eiers lê.
  • Maak vlooilarwes dood wat in jou behandelde kat se nabyheid kom.
  • Beheer Vlooi-allergiese Dermatitis by katte.
  • Behandel oormyt-infestasies.
  • Voorkom hartwurmsiekte.
  • Behandel infeksies a.g.v. gastroïntestinale rondewurms, insluitend spoelwurms en haakwurms.
  • Kan op klein katjies ouer as 9 weke, en wat meer as 1 kg weeg, gebruik word - maak net seker jy gebruik dan Advocate vir klein katte.
  • Hou die buisie in 'n vertikale posisie. Verwyder die proppie van die buisie.
  • Draai die proppie onderstebo en druk dit terug op die buisie.
  • Draai en druk die proppie styf op die buisie, sodat die seël breek. Haal dan die proppie van die buisie af.
  • Vir 'n makliker aanwending, is dit beter as jou kat staan.
  • Skei die hare aan die agterkant van jou kat se nek, teen die onderkant van die skedel, totdat die vel sigbaar is.
  • Plaas die punt van die buisie op die vel en druk die inhoud deeglik uit sodat dit direk op die vel gesmeer kan word.
  • Deur dit aan die onderkant van die skedel aan te wend, verminder dit die moontlikheid dat jou kat die produk aflek. 
  • Wend dit slegs op gesonde vel aan.
  • Gebruik een buisie per kat. 

Vlooibehandeling en -voorkoming: Behandel jou kat elke 4 weke. Een behandeling voorkom toekomstige vlooi-infestasie vir 4 weke.

Oormyte: 'n Enkele dosis van Advocate Topical moet toegedien word. Alle vuiligheid moet sagkens van die eksterne oorkanaal verwyder word. Dit word aanbeveel om binne 30 dae 'n opvolgbesoek aan die veearts te hê, siende dat sommige diere 'n tweede behandeling mag nodig hê. MOENIE DIREK OP DIE OORKANAAL AANWEND NIE.

Rondewurm- en Haakwurmbehandeling: As Advocate Topical slegs vir intestinale wurms gebruik word, moet jou kat elke 3 maande behandel word. As Advocate Topical vir vlooibeheer of vir die voorkoming van hartwurms gebruik word, mag maandelikse behandeling die risiko van herinfeksie van intestinale wurms drasties verminder.

Blootstelling aan water: Dit is onwaarskynlik dat een of twee keer se vinnige kontak met water die produk se doeltreffendheid sal affekteer, maar gereelde bad of die speel in water, mag wel.

Waarskuwing:

MOENIE DIE PRODUK OP KATJIES JONGER AS 9 WEKE OF WAT MINDER AS 1 KG WEEG, GEBRUIK NIE.

  • Advocate vir katte moenie op honde gebruik word nie.

  • Die veiligheid van Advocate op dragtige en lakterende katte is nog nie bevestig nie.

  • Hanteer versigtig.

  • Stoor weg van voedsel.

  • Hou weg van kinders.

  • Katte wat met Advocate behandel is moet vir 4 dae nie in water swem wat waterorganismes bevat nie, siende dat die produk skadelik kan wees vir waterorganismes.

  • Moenie toelaat dat diere wat onlangs met Advocate behandel is mekaar lek of teen mekaar skuur nie. Die dier moet verhoed word om die area wat behandel is te lek.

  • In rare gevalle mag die gebruik van Advocate tydelike pruritus (jeukerigheid), olierige pels, eriteem (huidrooiheid) en braking veroorsaak. Hierdie simptome sal sonder verdere behandeling vanself verdwyn.

  • Advocate het ‘n bitter smaak. Kwyling kan soms plaasvind as jou kat die behandelde area direk na aanwending lek. Hierdie is nie 'n teken van bedwelming nie en sal binne 'n paar minute vanself verdwyn.

  • Raadpleeg jou veearts voordat jy Advocate Topical op 'n siek of verswakte kat gebruik.

Voorsorgmaatreëls:

  • Vermy kontak met die vel, oë en mond.

  • Moenie eet, drink of rook terwyl of nadat jy Advocate Topical aangewend het nie - altans nie voor jy jou hande behoorlik gewas het nie.

  • Moenie jou hond na aanwending streel of vryf totdat die produk droog is nie.

  • Voorkom besmetting met kos, eetgerei, drinkwater ens.

  • Raak van gebruikte buisies op 'n veilige manier ontslae.

  • Die middel in Advocate mag sekere materiale vlek, insluitend plastiek, leer, tekstiele en afgewerkte oppervlaktes. Maak seker dat Advantage op die behandelde kat droog is, voordat jy hom toelaat om met hierdie materiale in kontak te kom. 

  • Indien dit op die vel kom: Was met oorvloedige water en seep.

  • Indien dit in die oë kom: Hou die ooglid oop en spoel dit behoorlik met baie water uit. Soek mediese hulp indien die irritasie voortduur.

  • Indien dit ingesluk word: Kry mediese hulp en wys die inligtingspamflet vir die dokter.

Imidaklopried ............................ 10% m/v

Moksidektrien ............................ 1% m/v

Path: > >